Interessegemeinschaft Vermarktung Lëtzebuerger Biofleesch a.s.b.l

6 gutt Grënn fir d’IVLB

IVLB (Interessegemeinschaft Vermaartung Lëtzebuerger Biofleesch a.s.b.l.) ass ären Uspriechpartner wann et ëm Bio-Fleesch zu Lëtzebuerg geet.

Lokal
Veraarbechtung

Qualitéits-Fleesch

Nohalteg, Flächegebonne
Produktioun

Fair Präisser

Aartgerecht
Déierenhaltung

Bio-Baueren zu
Lëtzebuerg

Mir schaffen mat handwierkleche Betriber aus der Regioun/ zu Lëtzebuerg zesummen.

Duerch eng natierlech an aartgerecht Ernärung souwéi kuerz Transport-Weeër gëtt eng gutt Qualitéit garantéiert.

Bio-Produktioun kann nëmmen am Aklang mat der Natur geschéien. Mir hale just déi Déieren di mir mat eiser Fläch fiddere kënnen.

Nëmme mat faire Präisser kann eng Produktioun och an Zukunft garantéiert ginn.

All Déiere ginn no de strenge Bio-Reegele gehalen. Fir eis Labelen (Bio-Maufel, Bio-Green-Beef) sinn nach weider Krittären definéiert.

Membere vum IVLB si Bio-Baueren zu Lëtzebuerg di hire gesamte Betrib no den EU-Bio Reegelen féieren.

D‘Interessegemeinschaft Vermaartung Lëtzebuerger Biofleesch a.s.b.l. ass 2010 vun e puer engagéierte Biobauere gegrënnt ginn.
De Verkaf gëtt direkt tëschent dem Bauer an dem Metzler organiséiert, domadder stäerke mir Vertrauen an der Liewensmëttelketten a garantéiere fair Präisser.
Duerch di biologesch Wirtschaftsweis garantéiere mir eng nohalteg Produktioun.
Eis Déiere ginn aartgerecht an no de strenge Bio-Krittäre gehalen.
All Betrib gëtt op mannst ee mol am Joer vun enger onofhängeger Organisatioun kontrolléiert.

Eng nohalteg Produktioun am Aklang mat der Natur a mam Déier ze garantéieren.
D’Fleesch wat op eise Member-Betriber produzéiert gëtt, zu Lëtzebuerg zu faire Präisser ze vermaarten.
Eng Partnerschaft mat handwierkleche Betriber aus der Regioun/ zu Lëtzebuerg opzebauen.
Dem Client di beschte Qualitéit a gesond Liewensmëttel unzebidden.

Ginn no de strenge Bio-Reegele gehalen:

Rand: eis Randbéischte verbréngen e Maximum vun hirer Zäit op eise Wisen. Si erhalen eis Kulturlandschaft a verwandelen Gras zu engem wäertvolle Liewensmëttel.
Schwäin: eis Fierkele verbrénge vill Zäit mat hirer Mamm. Si kennen hir natierlech Verhalensweis voll ausliewen bei dëser aartgerechter Haltung.
Schof: si hëllefen eis Biodiversitéit ze erhalen an eis Landschaft ze pfleegen.
Hénger: souwuel di weiblech wéi och di männlech Déieren sinn eis wichteg.